Captain's Log...

Þorsteinn Valdimarsson

Aðfaranótt þess 25. Júní árið 1989, fæddist krumpaður og blár drengur, í sterku ósamræmi við eldrauða sólina sem skein þó að þá væri mið nótt. Eftir átakalausa æsku suður í Hafnarfirði flutti drengurinn, sem þá hafði tekið eðlilegt litarhaft, upp á Hvanneyri í Borgarfirði og bjó þar í tvö ár. Þar kynntist hann að einhverju leyti hvernig það var að búa í sveit. Allir krakkarnir söfnuðust á fótboltavöllinn hvert einasta kvöld, og leikið var langt fram á nótt, þrátt fyrir skítalykt sem barst frá Moltu-stöð við hliðina á. Þegar þarna var komið við sögu var drengurinn farinn að undirbúa það að fullorðnast og fór að skríða yfir á unglingsárin. Síðan lá leiðin aftur í Hafnafjörð, þar sem næst síðasti veturinn í grunnskóla var tekinn. Hann sá fram á að mikið stress væri framundan með samræmdum prófum og öðrum sér-íslenskum stresstækjum, og hélt því beint til Noregs, landsins þar sem skólinn er alltaf búinn klukkan tvö, og nánast engin próf eru haldin. Veturinn eftir tók alvaran við, drengurinn hóf nám í Flensborgarskólanum, kominn á aðeins æðra stig í skólakerfinu. Þar verður hann svo í einhvern tíma, en mun svo bara sjá hvað framtíðin ber í skauti sér!

Uppfærsla: nenni ekki að skrifa nýjan texta svo ég bæti bara við æviágripið, var 7 annir í Flensborg og asnaðist svo inn í háskólann, innritaður í heimspeki.  Þar er ég svo að dóla mér og sjá til hvað ég ætla að gera...